rubyf的部落格

夏天就快到啦！但係點解對手都仲係好乾呢？因為成日留係冷氣房都會令到隻手變乾，所以手部保濕同護理都係好重要！最近用緊三款幾好的Hand Cream同大家分享下。

Clarins玉手修護霜

呢款Hand Cream用完之後好潤，因為成份有芝麻精油同日本桑葚精華。本身我隻手有少少濕疹，所以都好小心用呢類手部護理既產品，不過Clarins呢款Hand Cream可以比敏感皮膚用，所以勁好用呀！買支比成日係屋企做家務既媽咪都唔錯架！

ORIGINS扭轉乾坤賦活護手霜

本身係因為買一套手部護理產品有優惠，所以加錢換埋呢支Hand Cream，但一用就覺得呢款超好用，勁吸收。平時好怕用完Hand Cream會好笠既姊妹可以試下呢款，而且用完仲會有一陣果木香，雖然無Clarins咁滋潤，但係夏天用都好足夠。大力推介比平日少用Hand Cream既人用！！

Crabtree & Evelyn Summer Hill Hand Therapy

聖誕收到朋友買既手部護理禮盒，宜家都未用完。Crabtree & Evelyn 嘅Hand Cream一向都有保證，呢款用完之後都係容易吸收，而且又有淡淡既香味。而且同樣地都係好快吸收，既清爽又滋潤。