close
夏天一到又要諗辦法防曬啦～之前未識得防曬果陣一到夏天真係成個非洲人咁呀，好彩後尾識得防曬睇落先無咁燶咋！！
雖然好易曬黑，但其實我真係好中意户外活動，所以之前買左件防曬衣，係一件好薄好透嘅長袖，雖然唔厚但係著上身都好熱，所以都係唔啱我。然後如果我唔係做運動而係普通行出街嘅話都會盡量擔把遮擋一擋太陽，雖然有D煩同攰，但擋一擋好過無。
另外，我當然有搽防曬啦，之前仲因為唔係款款都有用而試左好多防曬，而家就用緊clarins嘅，真係幾有用，我每次出街就算只係落一落樓都會搽。
最後就係飲檸檬水啦，呢個其實係美白方法嚟，有少少治標唔治本，但係檸檬美白都幾有效。
全站熱搜
留言列表
