close
又到秋天啦, 我對呢個季節真係又愛又恨!
秋涼係好舒服, 但亦都好乾燥, 相信好多同我一樣係乾性肌膚既女仔都會覺得特別煩惱, 所以我想同大家分享下我自己用開既2款護膚好物
1. Clarins舒爽沐浴精 ($220 / 200ml):
呢支沐浴露其實我都諗左一段時間買唔買好, 因為價錢唔算平, 但有個都係乾性肌膚既朋友試過話好, 所以趁住踏入呢個咁乾燥既季節就入手左一支試下佢係咪真係咁得!
買既時候sales姐姐話乾性, 混合性, 油性肌膚都啱用, 性質比較溫和, 連極度敏感肌用都冇問題咁話! 可以用黎淋浴或者浸浴, 用法同普通沐浴露一樣, 我通常一個星期用佢黎浸浴3次, 當做SPA咁。佢係啫喱狀的, 一開蓋已經聞到好香洋甘菊味, 好relax, 一路放水落浴缸一路倒3 ﹣4樽蓋份量既沐浴精落水, 水溫唔可以太熱, 最好37度左右, 水太熱會令皮膚更加乾, 我每次會浸20mins, 浸完搽番普通body lotion都夠潤!
2. 玉之輿豆乳優格面膜 ($148 / 150g):
呢隻面膜應該好多人都用過, 但由於佢的確唔錯, 所以我都想分享下我自己既用後感!
第一次買係因為見上網好多人話好用, 所以去日本旅行就買番黎試下!
佢既成份有蜂王乳同乳鐵蛋白, 2樣野都有保濕作用, 啱晒我呢啲乾性肌膚. 佢係米白色既, 質地”傑傑”地好似乳酪, 聞落有淡淡既乳酪同豆腐味 。用法係洗完臉之後用拍化妝水, 然後將適量既面膜敷上全臉, 敷5﹣10mins, 我通常敷12mins, 再用暖水洗臉, 最後搽埋眼霜, 精華同面霜就ok, 我keep住一個星期最少敷一次。其實一敷完, 就算未搽護膚品時已經feel到好水好潤好滑, 感覺良好~
全站熱搜
留言列表
