rubyf的部落格

我終於唔使比人叫非洲人啦！我終於唔使比人叫非洲人啦！我終於唔使比人叫非洲人啦！（重要嘅野要講三次）

之前一到夏天就黑到比人叫非洲人，其實我都唔想，但係唔知點解一曬就黑，而且中意去室外玩，做足防曬（自以為）都唔多有效……

而家！！終於！！喺我試左咁多防曬方法之後終於可以擺脫「非洲人」稱號！！分享俾大家！！！

首先，搽防曬真係好重要好重要好重要！而且防曬唔係款款都有效，有D防曬真係搽左好似無搽咁，我就試過好多隻，最後用到Clarins嘅防曬真係有用而且唔會話好痴立立，我出親街都一定全身搽，防曬真係唔可以輕視！！！

另外，我出街好多時都會戴帽，雖然唔係遮到十足十，但係都擋到D塊面，咁就無咁易曬到。之前覺得戴帽有D煩，但係而家覺得其實都OK方便而且幾好睇，亦都好過擔遮，因為遮未必係全部都擋到太陽同埋防UV。

最後一招就係唔俾太陽曬到自己！雖然係廢話，但係曬唔到實唔黑啦！當然啦，唔係真係包到實一實咁樣，我係會喺好猛太陽嘅時候著件防曬褸，好似普通長袖褸咁，但係薄好多，咁就遮到太陽又唔會好焗啦。